Bi bizitzako etxebizitzak
Beizama

Deskribapena

Sustapenak 3 solairuko altuerako bi bizitzako lau eraikinetan 8 etxebizitza eraikitzea biltzen du. Etxebizitza bakoitzak 160 m² inguruko lursail pribatua eta sarrera independentea izango ditu.

Etxebizitzek 182 m²-ko guztizko azalera eraikia dute, beheko solairua barne; bi ibilgailurentzako garajea bertan egongo da. Etxebizitzen azalera erabilgarria 110 m² ingurukoa izango da.

Sustapen hori Beizamako Udalaren ekimen baten emaitza da. Udal horrek udalerriaren erdigunea indartu eta biztanleria oinarrizko zerbitzuen zuzkidura eta mantenua bermatuko duen gutxienekora bitarte handitu nahi du, baina horregatik egun herri horrek duen lasaitasun eta bizi-kalitateari uko egin gabe.

Sustapenak hiritartzeko gastuentzako diru-laguntza garrantzitsuak izan ditu Eusko Jaurlaritzaren Nekazaritza, Arrantza eta Elikadura Sailaren eskutik, bere landa garapenerako politikaren barnean, eta Etorlurrek gauzatzen du Beizamako Udalarekin sinatutako hitzarmen baten bitartez.

Beraz, kultura-, ingurumen- eta hiri-balio handia duten baina bizirauteko zailtasunak dituzten herriguneak biziberritzeko herrialdeko administrazio desberdinen arteko lankidetzako estrategia integratuaren adibide da.